श्री कासे ग्राम गजानन सेवा मंडळ, कासे

कासे ग्राम

"गड - गंगा तिरी कासे काशी" होय, आम्हा कासेकराना ही भूमी, गड नदीचे-काठी वसलेली, काशी-बनारस इतकीच पवित्र भुमी- पुण्यभूमी वाटते. कासे गाव कधी वसला याची नक्कीची माहिती नाही. मात्र हा गाव, ऐतिहासीक काळापासून वसलेला आहे.

गड़नदीचे पश्चिमकाठा पासून रस्त्यापर्यंत सर्वसाधारण सर्व जमीन, शेतजमीन आहे. अर्थात पश्चिमेकड़ेही थोड़ी शेतजमीन आहे. सर्व साधारणपणे घरें रस्त्याचे वरील बाजूस म्हणजे पश्चिमेकड़े आहेत. बाकी सर्व जमीन ही डोंगराळ- जंगली- वरकस जमीन आहे. कासे गांव पूर्वी पासून स्वयंपूर्ण गाव आहे. गावात एक आरोग्य उपकेंद्र आणि दोन प्राथमिक आणि माध्यमिक शाळा आहेत. राज्य परिवाहन (ST) सुविधा गावी उपलब्ध आहे. सध्या कासे-बोरिवली-कासे, चिपळूण-कासे-चिपळूण व कासे-देवरूख-कासे अशा गाड्या नियमीत आहेत.

गावातील प्रमुख उपासना केंद्रे / मंदिरे- : अ) श्री ग्रामदेवता मंदिर   ब) श्रीदेव गजानन मंदिर   क) श्री वाघ्या मंदिर   ड) बुद्धविहार - मंदिर. या शिवाय अनेक वाड्यातून लहान मंदीरे (देवळ्या) आहेत. यातील वरचे जड्यार वाडीतील श्री भिलकोंड वाघजाई मंदीर खूप देखणे आहे. 2014 मधे या मंदीराचा जीर्णोधार झाला.

गावातील महत्वाची शेती म्हणजे भातशेती. या शिवाय नाचणी (रागी) आणि तुरळक वरी हे पिकही घेतले जाते. मुख्य तळात भात शेती पाठोपाठ पावटे, कडवे, ऊड़ीद, मूग, कुळीथ वगैरे कडधान्याचे पीकही घेतात. -सार्वजनिक उत्सव: 1) शिमगा (होळी)   २) श्री देव गजानन जन्मोत्सव   ३) गौरी - गणपती उत्सव   4) नवरात्री उत्सव